Qlazqo Universitetinin tədqiqatçıları istilik kameralarının parolları yazdıqdan bir dəqiqə sonra sındırmağın mümkün olduğunu öyrəniblər. Onlar öz nəticələrini “ACM Transactions on Privacy and Security” jurnalında dərc ediblər.

Tədqiqat zamanı kompüter alimləri “ThermoSecure” adlı Süni Zəka (SZ) sistemini inkişaf etdiriblər. Bu sistem insanın barmaqlarının uclarının istiliyindən yaxın zamanda yazılmış parolları öyrənə bilir. Termal kameranın klaviatura və ekran şəkilləri kompüter parollarını saniyələr ərzində düzgün təxmin etmək üçün SZ tərəfindən təhlil edilə bilər.

Şifrələrin 86 faizinin şəkli gizli kodu yazdıqdan sonra 20 saniyə ərzində çəkilib. 76 faizi 30 saniyə ərzində sındırılıb. 60 saniyə sonra bu rəqəm 62 faizə düşüb.

Alimlər həmçinin müəyyən ediblər ki, 20 saniyə ərzində sistem hətta 16 simvoldan ibarət uzun parolları da uğurla öyrənmək iqtidarındadır və bu, 67 faizə qədər düzgün nəticə verib.

Parollar qısaldıldıqca müvəffəqiyyət nisbətləri artıb. 12 simvollu parollar 82 faizə qədər, 8 simvollu parollar isə 93 faizə qədər təxmin edilib və 6 simvollu parolları ələ keçirmək cəhdləri 100 faiz uğurlu olub.

Qiyməti 220 dollardan aşağı olan termal görüntü kameraları və SZ getdikcə daha əlçatan olur, buna görə tədqiqatçılar cinayətkarların kompüterlərə və smartfonlara daxil olmaq üçün termal görüntülərdən istifadə edəcəkləri barədə xəbərdarlıq edirlər.

Termal hücumlar fərdi kompüter klaviaturasında, smartfon ekranında parol və ya keçid kodunu daxil etdikdən və ya nağd pul nöqtəsində pin kodunu daxil etdikdən sonra baş verə bilər. Oğru daha sonra şəkil çəkmək və şəxsin cihaza toxunduğu yerin istilik imzasını qeyd etmək üçün termal kameradan istifadə edə bilər. İstilik aşkar edən kameralar tərəfindən çəkilən görüntülərdə həmin hissələr yaxın vaxtlarda onlara toxunduqca daha parlaq görünür.

Sevinc Əliyeva
Ordu.az